Ang 1363

ਛੂਹਨਿ ਸਹਸ ਅਸੁਰ ਕੀ ਸੈਨਾ ॥

chhoohan sahas asur kee sainaa ||

ਧਾਵਤ ਭਈ ਅਰੁਨ ਕਰਿ ਨੈਨਾ ॥

dhaavat bhiee arun kar nainaa ||

ਧਾਵਤ ਕੋਪ ਅਮਿਤ ਕਰਿ ਭਏ ॥

dhaavat kop amit kar bhe ||

ਪ੍ਰਿਥਵੀ ਕੇ ਖਟ ਪਟ ਉਡਿ ਗਏ ॥੭੮॥

pirathavee ke khaT paT udd ge ||78||

ਏਕੈ ਪੁਰ ਪ੍ਰਿਥਵੀ ਰਹਿ ਗਈ ॥

ekai pur pirathavee reh giee ||

ਖਟ ਪਟ ਹਯਨ ਪਗਨ ਉਡਿ ਗਈ ॥

khaT paT hayan pagan udd giee ||

ਜਨੁ ਬਿਧਿ ਏਕੈ ਰਚਾ ਪਯਾਰਾ ॥

jan bidh ekai rachaa payaaraa ||

ਗਗਨ ਰਚੇ ਦਸ ਤੀਨਿ ਸੁਧਾਰਾ ॥੭੯॥

gagan rache dhas teen sudhaaraa ||79||

ਮਹਾਦੇਵ ਆਸਨ ਤੇ ਟਰਾ ॥

mahaadhev aasan te Taraa ||

ਬ੍ਰਹਮਾ ਤ੍ਰਸਤ ਬੂਟ ਮਹਿ ਦੁਰਾ ॥

brahamaa trasat booT meh dhuraa ||

ਨਿਰਖਿ ਬਿਸਨ ਰਨ ਅਧਿਕ ਡਰਾਨਾ ॥

nirakh bisan ran adhik ddaraanaa ||

ਦੁਰਾ ਸਿੰਧ ਕੇ ਬੀਚ ਲਜਾਨਾ ॥੮੦॥

dhuraa si(n)dh ke beech lajaanaa ||80||

ਕੜਾ ਕੜੀ ਮਾਚਾ ਘਮਸਾਨਾ ॥

kaRaa kaRee maachaa ghamasaanaa ||

ਨਿਰਖਤ ਦੇਵ ਦੈਤ ਜਾ ਨਾਨਾ ॥

nirakhat dhev dhait jaa naanaa ||

ਮਹਾ ਘੋਰ ਆਹਵ ਤਹ ਪਰਾ ॥

mahaa ghor aahav teh paraa ||

ਕਾਪੀ ਭੂਮਿ ਗਗਨ ਥਰਹਰਾ ॥੮੧॥

kaapee bhoom gagan tharaharaa ||81||

ਨਿਰਖਿ ਜੁਧ ਕਾਪਾ ਕਮਲੇਸਾ ॥

nirakh judh kaapaa kamalesaa ||

ਤਾ ਤੇ ਧਰਾ ਨਾਰਿ ਕਾ ਭੇਸਾ ॥

taa te dharaa naar kaa bhesaa ||

ਪਰਬਤੀਸ ਲਖਿ ਡਰਾ ਲਰਾਈ ॥

parabatees lakh ddaraa laraiee ||

ਬਾਸਾ ਬਨ ਬਿਖੈ ਅਤਿਥ ਕਹਾਈ ॥੮੨॥

baasaa ban bikhai atith kahaiee ||82||

ਕਾਰਤਿਕੇਯ ਹ੍ਵੈ ਰਹਾ ਬਿਹੰਡਲ ॥

kaaratikey havai rahaa biha(n)ddal ||

ਬ੍ਰਹਮ ਛਾਡਿ ਗ੍ਰਿਹ ਗਯੋ ਕਮੰਡਲ ॥

braham chhaadd gireh gayo kama(n)ddal ||

ਪਬ ਪਿਸਾਨ ਪਗਨ ਭੇ ਤਬ ਹੀ ॥

pab pisaan pagan bhe tab hee ||

ਜਾਇ ਬਸੇ ਉਤਰ ਦਿਸਿ ਸਬ ਹੀ ॥੮੩॥

jai base utar dhis sab hee ||83||

ਡਗੀ ਧਰਨਿ ਅੰਬਰਿ ਘਹਰਾਨਾ ॥

ddagee dharan a(n)bar ghaharaanaa ||

ਬਾਜ ਖੁਰਨ ਤੇ ਪਬ ਪਿਸਾਨਾ ॥

baaj khuran te pab pisaanaa ||

ਅੰਧ ਗੁਬਾਰ ਭਯੋ ਬਾਨਨ ਤਨ ॥

a(n)dh gubaar bhayo baanan tan ||

ਹਾਥ ਬਿਲੋਕ੍ਯੋ ਜਾਤ ਨ ਆਪਨ ॥੮੪॥

haath bilokayo jaat na aapan ||84||

ਬਿਛੂਆ ਬਾਨ ਬਜ੍ਰ ਰਨ ਬਰਖਤ ॥

bichhooaa baan bajr ran barakhat ||

ਰਿਸਿ ਰਿਸਿ ਸੁਭਟ ਧਨੁਖ ਕਹ ਕਰਖਤ ॥

ris ris subhaT dhanukh keh karakhat ||

ਤਕਿ ਤਕਿ ਬਾਨ ਪ੍ਰਕੋਪ ਚਲਾਵੈ ॥

tak tak baan prakop chalaavai ||

ਭੇਦਿ ਤ੍ਰਾਨ ਤਨ ਪਰੈ ਪਰਾਵੈ ॥੮੫॥

bhedh traan tan parai paraavai ||85||

ਜਬ ਹੀ ਭਏ ਅਮਿਤ ਰਣ ਜੋਧਾ ॥

jab hee bhe amit ran jodhaa ||

ਬਾਢ੍ਯੋ ਮਹਾ ਕਾਲ ਕੈ ਕ੍ਰੋਧਾ ॥

baaddayo mahaa kaal kai krodhaa ||

ਮਹਾ ਕੋਪ ਕਰਿ ਬਿਸਿਖ ਪ੍ਰਹਾਰੇ ॥

mahaa kop kar bisikh prahaare ||

ਅਧਿਕ ਸਤ੍ਰੁ ਛਿਨ ਮਾਝ ਸੰਘਾਰੇ ॥੮੬॥

adhik satr chhin maajh sa(n)ghaare ||86||

ਰਕਤ ਸੰਬੂਹ ਧਰਨਿ ਤਬ ਪਰਾ ॥

rakat sa(n)booh dharan tab paraa ||

ਤਾ ਤੇ ਬਹੁ ਦਾਨ੍ਵਨ ਬਪੁ ਧਰਾ ॥

taa te bahu dhaanavain bap dharaa ||

ਏਕ ਏਕ ਸਰ ਸਭਹਿ ਚਲਾਏ ॥

ek ek sar sabheh chalaae ||

ਤਿਨ ਤੇ ਅਸੁਰ ਅਨਿਕ ਹ੍ਵੈ ਧਾਏ ॥੮੭॥

tin te asur anik havai dhaae ||87||

ਆਏ ਜਿਤਕ ਤਿਤਕ ਤਹ ਮਾਰੇ ॥

aae jitak titak teh maare ||

ਬਹੇ ਧਰਨਿ ਪਰ ਰਕਤ ਪਨਾਰੇ ॥

bahe dharan par rakat panaare ||

ਤਿਨ ਤੇ ਅਮਿਤ ਅਸੁਰਨ ਬਪੁ ਧਰਾ ॥

tin te amit asuran bap dharaa ||

ਹਮ ਤੇ ਜਾਤ ਬਿਚਾਰ ਨ ਕਰਾ ॥੮੮॥

ham te jaat bichaar na karaa ||88||

ਡਗਮਗ ਲੋਕ ਚਤੁਰਦਸ ਭਏ ॥

ddagamag lok chaturadhas bhe ||

ਅਸੁਰਨ ਸਾਥ ਸਕਲ ਭਰਿ ਗਏ ॥

asuran saath sakal bhar ge ||

ਬ੍ਰਹਮਾ ਬਿਸਨ ਸਭੈ ਡਰਪਾਨੇ ॥

brahamaa bisan sabhai ddarapaane ||

ਮਹਾ ਕਾਲ ਕੀ ਸਰਨਿ ਸਿਧਾਨੇ ॥੮੯॥

mahaa kaal kee saran sidhaane ||89||