Ang 1196

ਧੂਪ ਜਗਾਇ ਕੈ ਸੰਖ ਬਜਾਇ ਸੁ ਫੂਲਨ ਕੀ ਬਰਖਾ ਬਰਖੈ ਹੈ ॥

dhoop jagai kai sa(n)kh bajai su foolan kee barakhaa barakhai hai ||

ਅੰਤ ਉਪਾਇ ਕੈ ਹਾਰਿ ਹੈਂ ਰੇ ਪਸੁ ਪਾਹਨ ਮੈ ਪਰਮੇਸ੍ਵਰ ਨ ਪੈ ਹੈ ॥੫੬॥

a(n)t upai kai haar hai(n) re pas paahan mai paramesavair na pai hai ||56||

ਏਕਨ ਜੰਤ੍ਰ ਸਿਖਾਵਤ ਹੈ ਦਿਜ ਏਕਨ ਮੰਤ੍ਰ ਪ੍ਰਯੋਗ ਬਤਾਵੈ ॥

ekan ja(n)tr sikhaavat hai dhij ekan ma(n)tr prayog bataavai ||

ਜੋ ਨ ਭਿਜੈ ਇਨ ਬਾਤਨ ਤੇ ਤਿਹ ਗੀਤਿ ਕਬਿਤ ਸਲੋਕ ਸੁਨਾਵੈ ॥

jo na bhijai in baatan te teh geet kabit salok sunaavai ||

ਦ੍ਯੋਸ ਹਿਰੈ ਧਨ ਲੋਗਨ ਕੇ ਗ੍ਰਿਹ ਚੋਰੁ ਚਕੈ ਠਗ ਦੇਖਿ ਲਜਾਵੈ ॥

dhayos hirai dhan logan ke gireh chor chakai Thag dhekh lajaavai ||

ਕਾਨਿ ਕਰੈ ਨਹਿ ਕਾਜੀ ਕੁਟਵਾਰ ਕੀ ਮੂੰਡਿ ਕੈ ਮੂੰਡਿ ਮੁਰੀਦਨ ਖਾਵੈ ॥੫੭॥

kaan karai neh kaajee kuTavaar kee moo(n)dd kai moo(n)dd mureedhan khaavai ||57||

ਦੋਹਰਾ ॥

dhoharaa ||

ਪਾਹਨ ਕੀ ਪੂਜਾ ਕਰੈਂ ਜੋ ਹੈ ਅਧਿਕ ਅਚੇਤ ॥

paahan kee poojaa karai(n) jo hai adhik achet ||

ਭਾਗ ਨ ਏਤੇ ਪਰ ਭਖੈ ਜਾਨਤ ਆਪ ਸੁਚੇਤ ॥੫੮॥

bhaag na ete par bhakhai jaanat aap suchet ||58||

ਤੋਟਕ ਛੰਦ ॥

toTak chha(n)dh ||

ਧਨ ਕੇ ਲਗਿ ਲੋਭ ਗਏ ਅਨਤੈ ॥

dhan ke lag lobh ge anatai ||

ਤਜਿ ਮਾਤ ਪਿਤਾ ਸੁਤ ਬਾਲ ਕਿਤੈ ॥

taj maat pitaa sut baal kitai ||

ਬਸਿ ਕੈ ਬਹੁ ਮਾਸ ਤਹਾ ਹੀ ਮਰੈ ॥

bas kai bahu maas tahaa hee marai ||

ਫਿਰਿ ਕੈ ਗ੍ਰਿਹਿ ਕੇ ਨਹਿ ਪੰਥ ਪਰੈ ॥੫੯॥

fir kai gireh ke neh pa(n)th parai ||59||

ਦੋਹਰਾ ॥

dhoharaa ||

ਧਨੀ ਲੋਗ ਹੈ ਪੁਹਪ ਸਮ ਗੁਨਿ ਜਨ ਭੌਰ ਬਿਚਾਰ ॥

dhanee log hai puhap sam gun jan bhauar bichaar ||

ਗੂੰਜ ਰਹਤ ਤਿਹ ਪਰ ਸਦਾ ਸਭ ਧਨ ਧਾਮ ਬਿਸਾਰ ॥੬੦॥

goo(n)j rahat teh par sadhaa sabh dhan dhaam bisaar ||60||

ਚੌਪਈ ॥

chauapiee ||

ਸਭ ਕੋਊ ਅੰਤ ਕਾਲ ਬਸਿ ਭਯਾ ॥

sabh kouoo a(n)t kaal bas bhayaa ||

ਧਨ ਕੀ ਆਸ ਨਿਕਰਿ ਤਜਿ ਗਯਾ ॥

dhan kee aas nikar taj gayaa ||

ਆਸਾ ਕਰਤ ਗਯਾ ਸੰਸਾਰਾ ॥

aasaa karat gayaa sa(n)saaraa ||

ਇਹ ਆਸਾ ਕੋ ਵਾਰ ਨ ਪਾਰਾ ॥੬੧॥

eeh aasaa ko vaar na paaraa ||61||

ਏਕ ਨਿਰਾਸ ਵਹੈ ਕਰਤਾਰਾ ॥

ek niraas vahai karataaraa ||

ਜਿਨ ਕੀਨਾ ਇਹ ਸਕਲ ਪਸਾਰਾ ॥

jin keenaa ieh sakal pasaaraa ||

ਆਸਾ ਰਹਿਤ ਔਰ ਕੋਊ ਨਾਹੀ ॥

aasaa rahit aauar kouoo naahee ||

ਜਾਨੁ ਲੇਹੁ ਦਿਜਬਰ ਮਨ ਮਾਹੀ ॥੬੨॥

jaan leh dhijabar man maahee ||62||

ਲੋਭ ਲਗੇ ਧਨ ਕੇ ਏ ਦਿਜਬਰ ॥

lobh lage dhan ke e dhijabar ||

ਮਾਗਤ ਫਿਰਤ ਸਭਨ ਕੇ ਘਰ ਘਰ ॥

maagat firat sabhan ke ghar ghar ||

ਯਾ ਜਗ ਮਹਿ ਕਰ ਡਿੰਭ ਦਿਖਾਵਤ ॥

yaa jag meh kar ddi(n)bh dhikhaavat ||

ਤੇ ਠਗਿ ਠਗਿ ਸਭ ਕਹ ਧਨ ਖਾਵਤ ॥੬੩॥

te Thag Thag sabh keh dhan khaavat ||63||

ਦੋਹਰਾ ॥

dhoharaa ||

ਆਸਾ ਕੀ ਆਸਾ ਲਗੇ ਸਭ ਹੀ ਗਯਾ ਜਹਾਨ ॥

aasaa kee aasaa lage sabh hee gayaa jahaan ||

ਆਸਾ ਜਗ ਜੀਵਤ ਬਚੀ ਲੀਜੈ ਸਮਝਿ ਸੁਜਾਨ ॥੬੪॥

aasaa jag jeevat bachee leejai samajh sujaan ||64||

ਚੌਪਈ ॥

chauapiee ||

ਆਸਾ ਕਰਤ ਸਗਲ ਜਗ ਜਯਾ ॥

aasaa karat sagal jag jayaa ||

ਆਸਹਿ ਉਪਜ੍ਯਾ ਆਸਹਿ ਭਯਾ ॥

aaseh upajayaa aaseh bhayaa ||

ਆਸਾ ਕਰਤ ਤਰੁਨ ਬ੍ਰਿਧ ਹੂਆ ॥

aasaa karat tarun biradh hooaa ||

ਆਸਾ ਕਰਤ ਲੋਗ ਸਭ ਮੂਆ ॥੬੫॥

aasaa karat log sabh mooaa ||65||

ਆਸਾ ਕਰਤ ਲੋਗ ਸਭ ਭਏ ॥

aasaa karat log sabh bhe ||

ਬਾਲਕ ਹੁਤੋ ਬ੍ਰਿਧ ਹ੍ਵੈ ਗਏ ॥

baalak huto biradh havai ge ||

ਜਿਤਿ ਕਿਤ ਧਨ ਆਸਾ ਕਰਿ ਡੋਲਹਿ ॥

jit kit dhan aasaa kar ddoleh ||

ਦੇਸ ਬਿਦੇਸ ਧਨਾਸ ਕਲੋਲਹਿ ॥੬੬॥

dhes bidhes dhanaas kaloleh ||66||

ਪਾਹਨ ਕਹੁ ਧਨਾਸ ਸਿਰ ਨ੍ਯਾਵੈ ॥

paahan kahu dhanaas sir nayaavai ||

ਚੇਤ ਅਚੇਤਨ ਕੌ ਠਹਰਾਵੈ ॥

chet achetan kau Thaharaavai ||

ਕਰਤ ਪ੍ਰਪੰਚ ਪੇਟ ਕੇ ਕਾਜਾ ॥

karat prapa(n)ch peT ke kaajaa ||

ਊਚ ਨੀਚ ਰਾਨਾ ਅਰੁ ਰਾਜਾ ॥੬੭॥

uooch neech raanaa ar raajaa ||67||

ਕਾਹੂ ਕੋ ਸਿਛਾ ਸੁ ਦ੍ਰਿੜਾਵੈ ॥

kaahoo ko sichhaa su dhiraRaavai ||

ਕਾਹੂੰ ਕੌ ਲੈ ਮੂੰਡ ਮੁੰਡਾਵੈ ॥

kaahoo(n) kau lai moo(n)dd mu(n)ddaavai ||