Ang 1080

ਹਮੈ ਨਗਜ ਸੈਨਾ ਮੌ ਦੀਜੈ ॥

hamai nagaj sainaa mau dheejai ||

ਹਿੰਦੂ ਧਰਮ ਰਾਖਿ ਕਰਿ ਲੀਜੈ ॥੧੨॥

hi(n)dhoo dharam raakh kar leejai ||12||

ਨਾਵਨ ਕੌ ਸੁਭ ਵਾਰੋ ਦਿਯੋ ॥

naavan kau subh vaaro dhiyo ||

ਬਾਲਨ ਸਹਿਤ ਦੇਸ ਮਗੁ ਲਿਯੋ ॥

baalan sahit dhes mag liyo ||

ਰਜਪੂਤਨ ਰੂਮਾਲ ਫਿਰਾਏ ॥

rajapootan roomaal firaae ||

ਹਮ ਮਿਲਨੇ ਹਜਰਤਿ ਕੌ ਆਏ ॥੧੩॥

ham milane hajarat kau aae ||13||

ਤਿਨ ਕੌ ਕਿਨੀ ਨ ਚੋਟਿ ਚਲਾਈ ॥

tin kau kinee na choT chalaiee ||

ਇਹ ਰਾਨੀ ਹਜਰਤਿ ਪਹ ਆਈ ॥

eeh raanee hajarat peh aaiee ||

ਤੁਪਕ ਤਲੋ ਤੈ ਜਬੈ ਉਬਰੇ ॥

tupak talo tai jabai ubare ||

ਤਬ ਹੀ ਕਾਢਿ ਕ੍ਰਿਪਾਨੈ ਪਰੇ ॥੧੪॥

tab hee kaadd kirapaanai pare ||14||

ਜੌਨੈ ਸੂਰ ਸਰੋਹੀ ਬਹੈ ॥

jauanai soor sarohee bahai ||

ਜੈਬੋ ਟਿਕੈ ਨ ਬਖਤਰ ਰਹੈ ॥

jaibo Tikai na bakhatar rahai ||

ਏਕੈ ਤੀਰ ਏਕ ਅਸਵਾਰਾ ॥

ekai teer ek asavaaraa ||

ਏਕੈ ਘਾਇ ਏਕ ਗਜ ਭਾਰਾ ॥੧੫॥

ekai ghai ek gaj bhaaraa ||15||

ਜਾ ਪਰ ਪਰੈ ਖੜਗ ਕੀ ਧਾਰਾ ॥

jaa par parai khaRag kee dhaaraa ||

ਜਨੁਕ ਬਹੇ ਬਿਰਛ ਪਰ ਆਰਾ ॥

januk bahe birachh par aaraa ||

ਕਟਿ ਕਟਿ ਸੁਭਟ ਧਰਨਿ ਪਰ ਪਰਹੀ ॥

kaT kaT subhaT dharan par parahee ||

ਚਟਪਟ ਆਨਿ ਅਪਛਰਾ ਬਰਹੀ ॥੧੬॥

chaTapaT aan apachharaa barahee ||16||

ਦੋਹਰਾ ॥

dhoharaa ||

ਰਨਛੋਰੈ ਰਘੁਨਾਥ ਸਿੰਘ ਕੀਨੋ ਕੋਪ ਅਪਾਰ ॥

ranachhorai raghunaath si(n)gh keeno kop apaar ||

ਸਾਹ ਝਰੋਖਾ ਕੇ ਤਰੇ ਬਾਹਤ ਭੇ ਹਥਿਯਾਰ ॥੧੭॥

saeh jharokhaa ke tare baahat bhe hathiyaar ||17||

ਭੁਜੰਗ ਛੰਦ ॥

bhuja(n)g chha(n)dh ||

ਕਹੂੰ ਧੋਪ ਬਾਕੈ ਕਹੂੰ ਬਾਨ ਛੂਟੈ ॥

kahoo(n) dhop baakai kahoo(n) baan chhooTai ||

ਕਹੂੰ ਬੀਰ ਬਾਨੀਨ ਕੇ ਬਕਤ੍ਰ ਟੂਟੈ ॥

kahoo(n) beer baaneen ke bakatr TooTai ||

ਕਹੂੰ ਬਾਜ ਮਾਰੇ ਗਜਾਰਾਜ ਜੂਝੈ ॥

kahoo(n) baaj maare gajaaraaj joojhai ||

ਕਟੇ ਕੋਟਿ ਜੋਧਾ ਨਹੀ ਜਾਤ ਬੂਝੇ ॥੧੮॥

kaTe koT jodhaa nahee jaat boojhe ||18||

ਅੜਿਲ ॥

aRil ||

ਖਾਇ ਟਾਕਿ ਆਫੂਐ ਰਾਜ ਸਭ ਰਿਸਿ ਭਰੇ ॥

khai Taak aafooaai raaj sabh ris bhare ||

ਪੋਸਤ ਭਾਗ ਸਰਾਬ ਪਾਨ ਕਰਿ ਅਤਿ ਲਰੇ ॥

posat bhaag saraab paan kar at lare ||

ਸਾਹ ਝਰੋਖਾ ਤਰੈ ਚਰਿਤ੍ਰ ਦਿਖਾਇ ਕੈ ॥

saeh jharokhaa tarai charitr dhikhai kai ||

ਹੋ ਰਨਛੋਰਾ ਸੁਰ ਲੋਕ ਗਏ ਸੁਖ ਪਾਇ ਕੈ ॥੧੯॥

ho ranachhoraa sur lok ge sukh pai kai ||19||

ਰਨਛੋਰਹਿ ਰਘੁਨਾਥ ਨਿਰਖਿ ਕਰਿ ਰਿਸਿ ਭਰਿਯੋ ॥

ranachhoreh raghunaath nirakh kar ris bhariyo ||

ਤਾ ਤੇ ਤੁਰੈ ਧਵਾਇ ਜਾਇ ਦਲ ਮੈ ਪਰਿਯੋ ॥

taa te turai dhavai jai dhal mai pariyo ||

ਜਾ ਕੌ ਬਹੈ ਸਰੋਹੀ ਰਹੈ ਨ ਬਾਜ ਪਰ ॥

jaa kau bahai sarohee rahai na baaj par ||

ਹੋ ਗਿਰੈ ਮੂਰਛਨਾ ਖਾਇ ਤੁਰਤ ਸੋ ਭੂਮਿ ਪਰ ॥੨੦॥

ho girai moorachhanaa khai turat so bhoom par ||20||

ਧਨਿ ਧਨਿ ਔਰੰਗਸਾਹ ਤਿਨੈ ਭਾਖਤ ਭਯੋ ॥

dhan dhan aauara(n)gasaeh tinai bhaakhat bhayo ||

ਘੇਰਹੁ ਇਨ ਕੌ ਜਾਇ ਦਲਹਿ ਆਇਸ ਦਯੋ ॥

gherahu in kau jai dhaleh aais dhayo ||

ਜੋ ਐਸੇ ਦੋ ਚਾਰ ਔਰ ਭਟ ਧਾਵਹੀ ॥

jo aaise dho chaar aauar bhaT dhaavahee ||

ਹੋ ਬੰਕ ਲੰਕ ਗੜ ਜੀਤਿ ਛਿਨਿਕ ਮੋ ਲ੍ਯਾਵਹੀ ॥੨੧॥

ho ba(n)k la(n)k gaR jeet chhinik mo layaavahee ||21||

ਹਾਕਿ ਹਾਕਿ ਕਰਿ ਮਹਾ ਬੀਰ ਸੂਰਾ ਧਏ ॥

haak haak kar mahaa beer sooraa dhe ||

ਠਿਲਾ ਠਿਲੀ ਬਰਛਿਨ ਸੌ ਕਰਤ ਤਹਾ ਭਏ ॥

Thilaa Thilee barachhin sau karat tahaa bhe ||

ਕੜਾਕੜੀ ਮੈਦਾਨ ਮਚਾਯੋ ਆਇ ਕਰ ॥

kaRaakaRee maidhaan machaayo aai kar ||

ਹੋ ਭਾਤਿ ਭਾਤਿ ਬਾਦਿਤ੍ਰ ਅਨੇਕ ਬਜਾਇ ਕਰ ॥੨੨॥

ho bhaat bhaat baadhitr anek bajai kar ||22||

ਚੌਪਈ ॥

chauapiee ||

ਤੁਮਲ ਜੁਧ ਮਚਤ ਤਹ ਭਯੋ ॥

tumal judh machat teh bhayo ||

ਲੈ ਰਘੁਨਾਥ ਸੈਨ ਸਮੁਹਯੋ ॥

lai raghunaath sain samuhayo ||

ਭਾਤਿ ਭਾਤਿ ਸੋ ਬਜੇ ਨਗਾਰੇ ॥

bhaat bhaat so baje nagaare ||

ਖੇਤਿ ਮੰਡਿ ਸੂਰਮਾ ਹਕਾਰੇ ॥੨੩॥

khet ma(n)dd sooramaa hakaare ||23||