Ang 1044

ਪੂਰਬ ਕਰਿਯੋ ਬਿਵਾਹ ਚਿਤਾਰਿਯੋ ॥੧੩॥

poorab kariyo bivaeh chitaariyo ||13||

ਲਰਿਕਾਪਨੋ ਦੂਰਿ ਜਬ ਭਯੋ ॥

larikaapano dhoor jab bhayo ||

ਠੌਰਹਿ ਠੌਰ ਔਰ ਹ੍ਵੈ ਗਯੋ ॥

Thauareh Thauar aauar havai gayo ||

ਬਾਲਾਈ ਕਿ ਤਗੀਰੀ ਆਈ ॥

baalaiee k tageeree aaiee ||

ਅੰਗ ਅੰਗ ਫਿਰੀ ਅਨੰਗ ਦੁਹਾਈ ॥੧੪॥

a(n)g a(n)g firee ana(n)g dhuhaiee ||14||

ਸਵੈਯਾ ॥

savaiyaa ||

ਏਕ ਦਿਨਾ ਮ੍ਰਿਗ ਮਾਰਿ ਕੈ ਢੌਲਨ ਯੌ ਅਪਨੇ ਮਨ ਬੀਚ ਬੀਚਾਰਿਯੋ ॥

ek dhinaa mirag maar kai ddaualan yau apane man beech beechaariyo ||

ਬੈਸ ਬਿਤੀ ਬਸਿ ਬਾਮਨ ਕੇ ਅਬਿਬੇਕ ਬਿਬੇਕ ਕਛੂ ਨ ਬਿਚਾਰਿਯੋ ॥

bais bitee bas baaman ke abibek bibek kachhoo na bichaariyo ||

ਬ੍ਯਾਹ ਕਿਯੋ ਲਰਿਕਾਪਨ ਮੈ ਹਮ ਜੋ ਤਿਹ ਕੋ ਕਬਹੂ ਨ ਸੰਭਾਰਿਯੋ ॥

bayaeh kiyo larikaapan mai ham jo teh ko kabahoo na sa(n)bhaariyo ||

ਆਵਤ ਭਯੋ ਨਿਜੁ ਧਾਮ ਨਹੀ ਤਿਹ ਮਾਰਗ ਹੀ ਸਸੁਰਾਰਿ ਸਿਧਾਰਿਯੋ ॥੧੫॥

aavat bhayo nij dhaam nahee teh maarag hee sasuraar sidhaariyo ||15||

ਕੰਬਰ ਬਾਧਿ ਅਡੰਬਰ ਕੈ ਕਰਿ ਬੋਲਿ ਸੁ ਬੀਰ ਬਰਾਤ ਬਨਾਈ ॥

ka(n)bar baadh adda(n)bar kai kar bol su beer baraat banaiee ||

ਭੂਖਨ ਚਾਰੁ ਦਿਪੈ ਸਭ ਅੰਗਨ ਆਨੰਦ ਆਜੁ ਹਿਯੇ ਨ ਸਮਾਈ ॥

bhookhan chaar dhipai sabh a(n)gan aana(n)dh aaj hiye na samaiee ||

ਰੂਪ ਅਨੂਪ ਬਿਰਾਜਤ ਸੁੰਦਰ ਨੈਨਨ ਕੀ ਕਹਿ ਕ੍ਰਾਤਿ ਨ ਜਾਈ ॥

roop anoop biraajat su(n)dhar nainan kee keh kraat na jaiee ||

ਚਾਰੁ ਛਕੇ ਛਬਿ ਹੇਰਿ ਚਰਾਚਰ ਦੇਵ ਅਦੇਵ ਰਹੈ ਉਰਝਾਈ ॥੧੬॥

chaar chhake chhab her charaachar dhev adhev rahai urajhaiee ||16||

ਚੌਪਈ ॥

chauapiee ||

ਸੂਰ ਸੈਨ ਰਾਜੈ ਸੁਨਿ ਪਾਯੋ ॥

soor sain raajai sun paayo ||

ਬੇਟਾ ਬੀਰ ਸੈਨ ਕੋ ਆਯੋ ॥

beTaa beer sain ko aayo ||

ਲੋਕ ਅਗਮਨੈ ਅਧਿਕ ਪਠਾਏ ॥

lok agamanai adhik paThaae ||

ਆਦਰ ਸੌ ਗ੍ਰਿਹ ਮੈ ਤਿਹ ਲ੍ਯਾਏ ॥੧੭॥

aadhar sau gireh mai teh layaae ||17||

ਤਬ ਰਾਨੀ ਸੰਮਸ ਸੁਨਿ ਪਾਯੋ ॥

tab raanee sa(n)mas sun paayo ||

ਢੋਲਾ ਦੇਸ ਹਮਾਰੇ ਆਯੋ ॥

ddolaa dhes hamaare aayo ||

ਫੂਲਤ ਅਧਿਕ ਹ੍ਰਿਦੈ ਮਹਿ ਭਈ ॥

foolat adhik hiradhai meh bhiee ||

ਦੁਰਬਲ ਹੁਤੀ ਪੁਸਟ ਹ੍ਵੈ ਗਈ ॥੧੮॥

dhurabal hutee pusaT havai giee ||18||

ਭੇਟਤ ਪੀਯ ਪਿਯਵਹਿ ਭਈ ॥

bheTat peey piyaveh bhiee ||

ਚਿਤ ਮੈ ਅਤਿ ਪ੍ਰਫੁਲਤ ਹ੍ਵੈ ਗਈ ॥

chit mai at prafulat havai giee ||

ਐਚਿ ਐਚਿ ਪਿਯ ਗਰੇ ਲਗਾਵੈ ॥

aaich aaich piy gare lagaavai ||

ਛੈਲਹਿ ਛੈਲ ਨ ਛੋਰਿਯੋ ਜਾਵੈ ॥੧੯॥

chhaileh chhail na chhoriyo jaavai ||19||

ਦੋਹਰਾ ॥

dhoharaa ||

ਪਿਯ ਪਾਤਰ ਪਤਰੀ ਤ੍ਰਿਯਾ ਪਰਮ ਪ੍ਰੀਤਿ ਉਪਜਾਇ ॥

piy paatar pataree tirayaa param preet upajai ||

ਗਹਿ ਗਹਿ ਪਰੈ ਪ੍ਰਜੰਕ ਪਰ ਪਲ ਪਲ ਬਲਿ ਬਲਿ ਜਾਇ ॥੨੦॥

geh geh parai praja(n)k par pal pal bal bal jai ||20||

ਚੌਪਈ ॥

chauapiee ||

ਸੰਮਸ ਸੰਗ ਨ ਕਸਿ ਰਤਿ ਕਰੈ ॥

sa(n)mas sa(n)g na kas rat karai ||

ਚਿਤ ਮੈ ਇਹੈ ਬਿਚਾਰ ਬਿਚਰੈ ॥

chit mai ihai bichaar bicharai ||

ਐਚਿ ਹਾਥ ਤਾ ਕੋ ਨ ਚਲਾਵੈ ॥

aaich haath taa ko na chalaavai ||

ਜਿਨਿ ਕਟਿ ਟੂਟਿ ਪ੍ਰਿਯਾ ਕੀ ਜਾਵੈ ॥੨੧॥

jin kaT TooT pirayaa kee jaavai ||21||

ਦੋਹਰਾ ॥

dhoharaa ||

ਤਬ ਸੰਮਸ ਐਸੇ ਕਹਿਯੋ ਸੁਨਿਹੋ ਢੋਲਨ ਮੀਤ ॥

tab sa(n)mas aaise kahiyo suniho ddolan meet ||

ਰਤਿ ਕਸਿ ਕਸਿ ਮੋ ਸੌ ਕਰੌ ਹ੍ਵੈ ਕੈ ਹ੍ਰਿਦੈ ਨਿਚੀਤ ॥੨੨॥

rat kas kas mo sau karau havai kai hiradhai nicheet ||22||

ਢੋਲਾ ਨਰਵਰ ਕੋਟ ਕੋ ਬਸੌ ਨੇਹ ਕੇ ਗਾਵ ॥

ddolaa naravar koT ko basau neh ke gaav ||

ਤਾ ਤੇ ਸਭ ਤ੍ਰਿਯ ਪਿਯਨ ਕੋ ਢੋਲਾ ਉਚਰਤ ਨਾਵ ॥੨੩॥

taa te sabh tiray piyan ko ddolaa ucharat naav ||23||

ਨਿਡਰ ਹੋਇ ਤੁਮ ਮੁਹਿ ਭਜੋ ਸੰਕਾ ਕਰੌ ਨ ਏਕ ॥

niddar hoi tum muh bhajo sa(n)kaa karau na ek ||

ਜ੍ਯੋਂ ਰੇਸਮ ਟੂਟੇ ਨਹੀ ਕਸਿਸੈ ਕਰੋ ਅਨੇਕ ॥੨੪॥

jayo(n) resam TooTe nahee kasisai karo anek ||24||

ਅੜਿਲ ॥

aRil ||

ਸੁਨਤ ਪਿਯਰਵਾ ਬੈਨ ਤਾਹਿ ਭੋਗਤ ਭਯੋ ॥

sunat piyaravaa bain taeh bhogat bhayo ||

ਚੌਰਾਸੀ ਆਸਨ ਸੰਮਸ ਕੇ ਕਸਿ ਲਯੋ ॥

chauaraasee aasan sa(n)mas ke kas layo ||

ਚੁੰਬਨ ਲਏ ਅਨੇਕ ਅੰਗ ਲਪਟਾਇ ਕੈ ॥

chu(n)ban le anek a(n)g lapaTai kai ||

ਹੋ ਚਿਮਟਿ ਚਿਮਟਿ ਤਿਹ ਭਜਿਯੋ ਹਰਖ ਉਪਜਾਇ ਕੈ ॥੨੫॥

ho chimaT chimaT teh bhajiyo harakh upajai kai ||25||

ਚਤੁਰੁ ਚਤੁਰਿਯਾ ਚਿਮਟਿ ਚਿਮਟਿ ਰਤਿ ਮਾਨਹੀ ॥

chatur chaturiyaa chimaT chimaT rat maanahee ||